မနူဟာဘုရား

ဗျဝိဗျတ္တဒဏ္ဍာရီနှင့် မနူဟာဘုရား
--------------------------------------
သံသရာဝယ် ကျင်လည်သရွေ့ သူနိုင့််မပြဲသော ဆင်းတုတော် တစ်ဆူကို တည်ကာ အကျဉ်းချခံရသောနန်းကျ ဘုရင်တစ်ဦး၏ ဘဝသည် မည်မျှမွန်းကြပ်ပင်ပန်းလှ ကြောင်းကို ထုတ်ဖော်ပြသည့် ဘုရားတစ်ဆူပုဂံတွင် ရှိသည်။ ထိုဘုရားဒကာ သည်အခြားမဟုတ် ပုဂံနေပြည်တော်အတွက် ပိဋကတ် ( ၃ ) ပုံ တောင်းခံ ခြင်းကိစ္စမှ အခြေတင်ဖြစ်ကာ စစ်မက်ဖြစ်ပွားခဲ့ရပြီး စစ်ရှုံးသဖြင့် ဖမ်းစီးခေါ်ဆောင်ခြင်းခံရကာ သထုံဘုရင်မနူဟာမင်း၏ ကောင်းမှုတော်ဘုရားတစ်ဆူဖြစ်လေသည်။

မနူဟာမင်းအကြောင်းအနည်းငယ်ပြောရမည်ဆိုလျှင် ဘွဲ့တော်မှာ သီရိ တြိဘဝနာ ဒိတျာပဝရ ဓမ္မရာဇာ ဖြစ်ကာ သထုံပြည်တွင် မင်းပြုသော သီဟရာဇာမင်းမှ ( ၄၈ ) ဆက်မြောက် ဘုရင်တစ်ပါး ဖြစ်ကာ ဆင်ဖြူတော် ( ၃၂ )စီး ပိုင်ဆိုင်သည်။ ပရိယတ္တိ သာသနာ တော်ရှိမှ သာသနာခရီးဆက်နိုင် မည်ဟူသော ရှင်အရဟံ၏ မိန့်ကြားမှုအရ အနော်ရထာမင်းသည် ပိဋကတ် တော်များကို တောင်းယူရန် သထုံပြည်သို့ အပြောအဆို ကောင်းမွန်ပြီး လိမ္မာသော အမတ်တစ်ဦးကို လက်ဆောင်ပဏ္ဏာများနှင့်အတူ စေလွတ်လိုက် သည်။မနူဟာဘုရင်သည် ပုဂံ၏တောင်းဆိုချက်များကို မချေမငံ ငြင်းဆန် သဖြင့် အနော်ရထာသည် သက္ကရဇ် ( 1057 ) တွင် သထုံသို့ ကြည်းတပ်၊ ရေတပ် တို့ဖြင့် စေလွတ်သည်။ ကျန်စစ်သား၊ ငထွေးရူး၊ ငလုံးလက်ဖယ် ၊ ညောင်ဦးဖီး တို့အား ရှေ့မှချီတက်စေကာ မိမိက နောက်မ တပ်မနှင့် လိုက်လေသည်။ မနူဟာသည် မြို့တံခါးကို လုံခြုံအောင် အစီအရင် ဖြင့် ပိတ်ကာ သေချာခုခံ သဖြင့် အချိန်ကြာသည်အထိ လုပ်ကြံမရဘဲ ရှိလေသည်။ လုပ်ကြံမရသော အကြောင်းတရားများတစ်ခုတွင် ဗျဝိအား သတ်ကာ မြို့စောင့်အဖြစ် ထားရှိ ခြင်းဖြစ်ကြောင်း သိရသည်။ ဤနေရာ တွင် ဗျဝိ၊ဗျတ္တညီနောင် အကြောင်းကို အနည်းငယ် ပြောလိုပါသည်။

မှန်နန်းရာဇဝင်အရ သထုံပြည် ဗားမဲ့ဆရာတော်သည် သဘောင်္ပျက်၍ ဗျတ်နှင့်အတူ ရေမြောလာသော ကုလားညီနောင် နှစ်ဦးကို ခေါ်ယူမွေးစားကာ သူတို့ကိုလည်း ဗျဝိ၊ ဗျတ္တဟု အမည်ပေးခဲ့သည်။ ကပ္ပိယကျောင်းသားများအဖြစ် ဆရာတော် ကျောင်းတွင် နေထိုင်ရင်း တစ်နေ့တွင် ဆရာတော်သည် တောအ တွင်း မှ ဇော်ဂျီဖိုဝင်တစ်ဦးကို ကောက်ရလာသည်။ဆရာတော်က ထိုဇော်ဂျီသား ကို ဘုရင်အားဆက်သရန် ညီနောင်နှစ်ဦအား မီးကင်စေကာ အပြင်ထွက်သွား ခဲ့သည်။ ထိုအခါ ဇော်ဂျီဖိုဝင်သား သည် အလွန်မွေးကြိုင် သဖြင့်ထိုညီနောင် ( ၂ ) ဦးမှာ မနေနိူင်တော့ဘဲ ယူငင် စားပစ်ကြသည်။ ထိုအချိန် ၄င်းတို့တွင် သာမာန်နှင့်မတူသော စွမ်းအား များရရှိလာကြသည်။ မြေလျှိုးမိုးပျံ ၊ လွန်စွာခွန် အား ကြီးမားစွာ ရလေသည်။ ဆရာတော်ပြန်ရောက်လာသည့်အချိန်တွင် ဇော်ဂျီသားစားလိုက် သည့် ညီနောင် ( ၂ )ဦးအား လိုက်ရိုက်ရာ မမှီသည့်အပြင် ကျောင်းကိုပါ ဇောက်ထိုးမိုးမျှော်ပြုလုပ်ပစ်ကြသည်။ ဆရာတော်မှ မနိုင် ၊ ရပ်မနိုင် ရွာမနိုင် ဖြစ်လာလေသော် ထိုညီနောင်တို့ကို ဖမ်းရန် အခြေနေ ရောက်သွားလေသည်။ ဗျဝိသည် သထုံမြို့ဝန်၏ သမီး မအိုစာနှင့် ချစ်ကြိုက် မိခဲ့သည်။ တစ်နေ့ တွင် ဗျဝိသည် မအိုစာအခန်းအတွင်းထိဝင်ရောက်သော် အစီမံဖြင့် ဖမ်းလေရာ မိလေသည်။ ဗျတ္တလည်း အခြေနေမဟန်တော့သည်ကို သိရသဖြင့် ပုဂံသို့ပြေးကာခိုလှုံလေတော့သည်။ အနော်ရထာမင်းသည် ပုဂံအား အင်အားကြီးနိုင်ငံအဖြစ် တည်ထောင်ရာတွင် လူစွမ်း ကောင်း များလိုအပ်သဖြင့် ဗျတ္တကို လက်ခံခဲ့သည်။ ထို့ကြောင့် သထုံမြို့ဝန်သည် နိုင်ငံတော်ပုန်ကန်မှုဖြင့် ဗျဝိအား သေဒဏ်ပေး ခဲ့ရာ နဂို ကတည်းက အစွမ်းထက်သူဖြစ်သဖြင့် ကွပ်မျက်သော် လည်း မသေနိုင်ချေ။ နောက်ဆုံး မအိုစာ၏ ရေတစ်မုတ်နှင့် ကွမ်းတစ်ယာကို စားခွင့်ရကာ စိတ်လျှော့လိုက်သည့်အခိုက် သတ်လိုက် မှ သေလေသည်။ သူသေပြီးလျှင် ၄င်း၏အရိုး၊ အရေ ၊ သွေးတို့အား မြို့တံတိုင်း နေရာအနံ့ ဖြန်းကာ မြို့စောင့်နတ်အဖြစ် ထားရှိခဲ့သဖြင့် ယခု ပုဂံတပ်တို့ မည်သို့တိုက်ခိုက်သော်လည်း မြို့အတွင်း ဝင်ရောက်နိုင်ခြင်းမရှိချေ။ နတ်ဖြစ် လေသော ဗျဝိသည် မြို့တံခါးမှ ဝင်ရောက်နိုင်ရန် အတွက် ကြက်မတစ်ဝတ်စာ နေရာ အတွက် မိမိ၏ အသွေးသားနှင့် လွတ်သောနေရာရှိကြောင်း အိပ်မက် ပေးခဲ့သည်။ ယခုအချိန်တွင် ဗျတ္တအတွက် သွေးကြွေး ကလဲ့စားချေ ခွင့်ရလေ သဖြင့် ဗျတ္တသည် ထိုနေရာမှ ဝင်ရောက်ကာ မြို့တံခါးကို ဖွင့်ပေးသော် သထုံ မြို့တော် ကျဆုံးလေတော့သည်။

အနော်ရထာသည် ပိဋကတ် ( ၃ ) ပုံအပါအဝင် သထုံတော်ဝင် မိသားစု နှင့်တကွမှူးမတ်များ၊ သရီရ ဓါတ်တော်၊ ဆင်ဖြူတော်များ၊ ကျမ်းကန်တတ် ရဟန်းတော်များ၊ ပညာရှင်များကို ပုဂံသို့ခေါ်ဆောင် ကာ အစုအကွက်ချ နေထိုင်စေသည်။ မနူဟာမင်း ကိုလည်း မြင်းကပါ အရပ်တွင် အလုပ်အကျွေး နှင့်အတူ နေထိုင်စေ သည်။ မနူဟာ အာနုဘော်သည် စကားပြောသော အခါတွင် ခံတွင်းမှ စက်ပြောင် ပြောင် ထွက်လျက်ရှိသည်။ အနော်ရထာ မင်းအား လာရောက်ဖူးမျှော် စဉ် အနော်ရထာမင်းသည် ထိုအရာကိုမြင်သော် ကြက်သီးမွေးညှင်း ထကာ ထိပ်လန့်လေသည်။ ထိုဘုန်းတန်ခိုး အာနုဘော်ကို ညံ့စေရန် မနောလင်ပန်းနှင့် စားတော်ပြင်ကာ ဘုရားတင်ပြီး ထိုစားတော်ကို မပြတ် ကျွေးသဖြင့်ကြာလာသော် စက်ရောင်တို့ ကွယ်လေသည်။ မနူဟာသည် အနော်ရထာမင်းအား ဘုရားတည်ရန်ခွင့်တောင်းသဖြင့် အနော်ရထာက ကြည်ဖြူစွာ ခွင့်ပြုခဲ့သည်။ မိမိပိုင်လက်စွပ်ကို ရောင်းချ ကာ ရရှိသော ငွေဖြင့် ဘုရားတည်ခဲ့သည်။

မနူဟာဘုရားကို အမိုးအကာမပါဘဲတည်ထား ကာ နောက်ပိုင်းမှ ဂန္ဓကုဋီတိုက် ပြန်ဆောက်သည်ဟု ပညာရှင်တို့က ယူဆသည်။ ဆင်းတုတော်၏ အနောက် ဖက်တွင် လျောင်းတော်မူကိုယ်တော် နှင့် အရှေ့ရှိ ကျောက်သပိတ်သည် အကျယ် ( ၃ပေ ၁၀ လက်မ) ၊ အမြင့် ( ၃ ပေ ၁၁ လက်မ) ရှိသည် ဆွမ်းဆန် စိမ်း ( ၁၇ ) တင်းဆန့်ကာ တုရင်တောင်မှ ကျောက်ဖြင့် ထုလုပ်ထားသည်။ ထိုသပိတ်တွင်း ဆွမ်းအပြည့်လှူသော သူသည် ငတ်မွတ်ခြင်းမှ ကင်းဝေးသည် ဟု အယူရှိသဖြင့် အပြည့်လောင်းလှူလေ့ရှိသည်။ မနူဟာဘုရားသည် အမှု အခင်းဖြစ် နေသာသူတို့ လာရောက်ကာ ဘုရားတွင်ရင်ဖွင့် တတ်ကြသည်။ နှစ်စဉ် စက်တင်ဘာလအတွင်းကျင်းပလေ့ရှိသော မနူဟာဗုဒ္ဓပူဇနိယ ပွဲတော် သည်လည်း ဆန်းသည်။ အရုပ်သွင်းပွဲ သို့မဟုတ် အသွင်းဟု ခေါ်ဆိုကြသည်။ ဇတ်တော်လာရုပ်၊ နတ်ရုပ် နိုင်ငံ့ခေါင်းဆောင်ရုပ် များပြုလုပ်ကာ ယှဉ်ပြိုင်သော ပွဲဖြစ်ကာ အကောင်းဆုံးအရုပ်များကို ဆုပေးသည်။ သံသရာဝယ် ကျင်လည် နေသရွေ့ သူနိုင်သည်ကိုမဖြစ်လို ဟုဆုတောင်းကာ ပုဂံတွင် သက်ဆုံးတိုင် နေထိုင်ရင်း မိမိ၏မွန်းကြပ် လှသော နန်းကျဘုရင်ဘဝ ကို ဖော်ပြရာ ယနေ့ ချိန်ထိ ထိုဘုရား ရောက်လေတိုင်း ဤခံစားချက် များကို လူတိုင်းတွေ့ရှိခံစား ကြရမည်ဖြစ်ပါကြောင်း သုခုမအလင်းတန်းများမှ ရေးသားတင်ဆက် လိုက်ပါ သည်။

#သုခုမအလင်းတန်းများ

Ref:

- မနူဟာကျောက်သပိတ်
- မနူဟာ ( မြန်မာ့စွယ်စုံကျမ်း )
- မှန်နန်းရာဇဝင်
- မြန်မာ့ရိုးရာပန်းတမော့