ပူတာအိုမှာ ရေခဲတောင် တက်ကြမယ် …

ပူတာအိုမှာ ရေခဲတောင် တက်ကြမယ် …
-------------------------------------
ရေခဲတောင်လို့ပြောလိုက်တာနဲ့ လူအများစုကတော့ အန္တရာယ်များတယ်၊ ဦးတေဇ၊ ရဟတ်ယာဉ်အပျက်၊ လူပျောက်တာ စတာတွေကိုပဲ အရင်ဆုံးပြေးမြင်ကြမှာပါ။ အရမ်းမြင့်လွန်းပြီး တက်ဖို့ ခက်ခဲတဲ့ ရေခဲ တောင်တွေ ရှိသလို တက်လို့ လွယ်ကူပြီး ရေခဲတွေနဲ့ ဖုံးလွှမ်းနေတဲ့ တောင်တွေလည်း ရှိပါတယ်။ မြန်မာနိုင်ငံအတွင်းမှာ ဒီလို သာယာတဲ့ သဘာဝအလှတွေနဲ့ ပြည့်စုံတဲ့ ရေခဲတောင်တွေအကြောင်းကို မြန်မာနိုင်ငံသား အားလုံးတောင် မသိကြသေးပါဘူး။ ပူတာအိုအနီးမှာ ရှိနေတဲ့ ရေခဲတောင်အားလုံးဟာ အိန္ဒိယနိုင်ငံဘက်က ဟိမဝန္တာတောင်တန်းတွေရဲ့ အဆက်တွေပါ။ မိမိကိုယ်တိုင် ပြည်ပကို ရောက်နေပေမယ့် ရေခဲတောင်တက်ဖို့ ကုန်ကျစရိတ်များပြီး လူတို့ဖန်းတီးမှူတွေနဲ့ ပြည့်နေတဲ့ ကိုရီးယား ဂျပန်စတဲ့အအေးပိုင်းနိုင်ငံကို သွားမယ့်အစား လူအရာက်အပေါက်နည်းပြီး ဖျက်ဆီးခြင်း မခံရသေးတဲ့ သဘာဝအလှတွေရှိတဲ့ မိခင်နိုင်ငံ မြန်မာနိုင်ငံမြောက်ဖျားက ရေခဲတောင်ကို တက်မယ်လို့ ရွေးချယ်ဆုံးဖြတ်ချက်ချပြီး တက်ခဲ့ပါတယ်။ အချို့ကလည်း ရေခဲတောင်တက်လို့ အိမ်မှာ ဆန်တွေ ဆီတွေ တိုးလာတာ မဟုတ်။ အပင်ပန်းခံပြီး ဘာလို့တက်မှာလဲဟု ယူဆကြပါတယ်။ တောင်တက်ခြင်းမှ ရလာသော သင်ခန်းစာ၊ ကိုယ့်ကိုယ်ကို ယုံကြည့်မှူ၊ စည်းလုံးညီညွှတ်မှူ၊ သဘာဝပတ်ဝန်းကျင်ကို တန်ဖိုးထားတတ်မှူ၊ ဒေသဆိုရာ ဗဟုသုတစသည်တို့ကို သူတို့ မြင်တတ်မည် မထင်ပါ။ မြန်မာနိုင်ငံမှာ အမြင့်ဆုံးရေခဲတောင်ကနေ စပြီး ပြောပြရမယ်ဆိုရင်

၁။ ခါကာဘိုရာဇီ ရေခဲတောင် (၁၉၄၃၃ ပေ) (တောင် အတက်/အဆင်း ခန့်မှန်း ၃၀ရက်)

၂။ ဂါလန်ရာဇီ ရေခဲတောင် (၁၉၂၅၂ ပေ) (တောင် အတက်/အဆင်း ခန့်မှန်း ၃၀ရက်)

၃။ မဒွယ်တောင် ရေခဲတောင် (၁၅၀၀၀ ပေ) (တောင် အတက်/အဆင်း ခန့်မှန်း ၁၅ရက်)

၎။ ဖန်ဂရမ်ရာဇီ ရေခဲတောင် (၁၄၂၀၀ ပေ) (တောင် အတက်/အဆင်း ခန့်မှန်း ၁၅ ရက်)

၅။ ဖုန်ရင်ရာဇီ ရေခဲတောင် (၁၄၀၅၀ ပေ) (တောင် အတက်/အဆင်း ခန့်မှန်း ၈ ရက်)

၆။ ဖုန်ကန်ရာဇီ ရေခဲတောင် (၁၁၉၂၀ ပေ) (တောင် အတက်/အဆင်း ခန့်မှန်း ၇ ရက်)

(တစ်နှစ်နဲ့ တစ်နှစ် ခေတ်မီ စက်ကိရိယာတွေ သုံးပြီး တိုင်းတာကြတဲ့အတွက် တောင်တွေရဲ့ အမြင့်တွေကတော့ အခြားမှတ်တမ်းတွေနဲ့ အနည်းငယ် ကွဲပြားမှူ ရှိနိုင်ပါတယ်။)

ဖုန်ကန်ရာဇီ နဲ့ ဖုန်ရင်ရာဇီရေခဲတောင်တွေကတော့ ပူတာအိုမြို့နဲ့ ၅၃မိုင်ပဲ ဝေးပြီး အပျော်တမ်းတောင်တက်သမားတွေနဲ့ ပိုပြီး သင့်တော်ပါတယ်။ ခန့်မှန်းကြာချိန် ၇ရက်ကတော့ ဒေသခံတွေ သွားတဲ့ နှုန်းပါ။ မိမိတို့ သွားတဲ့ နှုန်းအပေါ်မူတည်ပြီး ဒါထက် ပိုကြာနိုင်ပါသေးတယ်။ ကျန်တဲ့ရေခဲတောင်တွေကတော့ ပူတာအိုနဲ့ ပိုပြီးဝေးသလို လမ်းကြမ်းတယ်။ အချိန်ပိုကြာတယ်။ တံတားမရှိသေးတဲ့ တောင်ကျချောင်းတွေကို ကိုယ်တိုင်သစ်ခုတ် တံတားလုပ်ပြီး သွားရတယ်။ ကြိုးတန်းပြီး ကူးရတယ်။ ပိုပြိး အန္တရာယ်များလို့ အထူးလေ့ကျင့်ထားတဲ့ ကျွမ်းကျင်တောင်တက်သမားတွေနဲ့ပဲ သင့်တော်ပါတယ်။ ကျွန်တော်တို့ တက်ခဲ့တာကတော့ အမြင့်ပေ ၁၁၉၂၀ ပဲရှိတဲ့ ဖုန်ကန်ရာဇီ ရေခဲတောင်ပါပဲ။ ပူတာအိုအနီးက အနိမ့်ဆုံးရေခဲတောင်ပါ။ မိန်းကလေးတွေလည်း အလွယ်တကူတက်နိုင်ကြလို့ ဒေသခံတွေကတော့ မိန်းကလေးတောင် လို့လည်း ခေါ်ကြပါသေးတယ်။ 😛

တကယ်တော့ ပူတာအိုမြို့လေးက ရေခဲတောင်တွေ ဝန်းရံနေတဲ့ အေးချမ်းတဲ့မြို့ငယ်လေး တစ်ခုပါ။ အတော်အသင့် ကြီးတဲ့ ထမင်းဆိုင် တစ်ဆိုင် ရှိပါတယ်။ ထဝမ်ဆိုတာ ရေခဲ၊ ရာဇီဆိုတာ တောင်။ ဒါကြောင့် ထဝမ်ရာဇီဆိုတဲ့ စားသောက်ဆိုင် တစ်ဆိုင်လည်းရှိပါသေးတယ်။ ရေခဲသေတ္တာမလိုဘဲ ဘီယာပုလင်းတွေကို အပြင်မှာ ထားရုံနဲ့ အေးပါတယ်။ ထဝမ်ရာဇီ စားသောက်ဆိုင်က ပူတာအိုမှာ နာမည်ကြီးသလို ထဝမ်ရာဇီနာမည်နဲ့ပဲ တည်းခိုခန်းတစ်ခုလည်း ဖွင့်ထားပါသေးတယ်။ ပူတာအိုကို ရောက်နေတဲ့ သူငယ်ချင်းကတော့ ပြောပါတယ်။ ပူအာအိုမှာ အမှိုက်မရှိဘူး။ သူခိုးမရှိဘူး။ အိမ်တံခါးတွေ ခြံတံခါးတွေကို သော့ခတ်မထားဘူး တဲ့။ ဒါပေမယ့် ပူတာအို ဒေသခံနဲ့ သူငယ်ချင်း စကားပြောနေရင်း အိမ်က ခွေးလေး နှစ်ကောင် ပျောက်သွားတယ်ဆိုတာ ပြောနေကြတယ်။ အနီးအနားက အရက်သောက်တဲ့သူတွေက အမြည်းလုပ်ပြစ်လိုက်တယ်တဲ့။ အဲဒါနဲ့ မင်းတို့ ပူတာအိုက သူခိုးမရှိတာ မဟုတ်ပါဘူး၊ ခွေးသူခိုးတော့ ရှိပါသေးတယ်လို့ ပြောခဲ့လိုက်သေးတယ်။ 😊

ပူတာအိုကို ရေခဲတောင်တက်မယ်ဆိုပြီး ရောက်သွားတာက ၂၀၁၆ ဧပြီလ ၂၃ရက်၊ မြန်မာနိုင်ငံအလယ်ပိုင်းမှာ အပူချိန် ၄၅ ဒီဂရီ စင်တီဂရိတ် ရှိနေချိန်မှာ ပူတာအို လေဆိပ်ရောက်လို့ လေယာဉ်ပေါ်က ဆင်းဆင်းခြင်း သိလိုက်ရတဲ့ အပူချိန်က နားဝမှာ အေးချမ်းစရာ။ ၁၃ ဒီဂရီ တဲ့။ မိုးလေး တစ်ဖွဲဖွဲနဲ့ နွေရာသီမှာလည်း မိုးမပြတ်တဲ့ ပူတာအိုဆိုပဲ။ ပူတာအိုကို အရင်ရောက်တဲ့ သူငယ်ချင်းတည်းခိုနေတဲ့ အိမ်က ခြေတံရှည်ပျဉ်ထောင်အိမ်။ အပေါ်ထပ်ကို တက်လိုက်တော့ ဧည့်ခန်းအဖြစ်ရော မီးဖိုခန်းအဖြစ်ရော သုံးတဲ့ ခန်းမကြီးအလယ်က ထင်းမီးဖိုလေး ဘေးမှာ ထိုင်ပြီး အနွေးဓာတ် ယူလိုက်ရတယ်။ ပြီးတော့မှ တောင်တက်ဖို့ရာအတွက် ဒေသခံ အိမ်ရှင်နဲ့ တိုင်ပင်၊ ရေခဲတောင်တက်ဖို့ လူများဖို့ အဖေါ်ထပ်ရှာ။ ပူတာအိုဈေးထဲသွားကာ ပစ္စည်းဝယ်၊ လူစုနဲ့ တောင်တက်ဖို့ စုစုပေါင်း လူ ခုနစ်ယောက်ရှိလာပြီ။ ဒေသခံ ရဝမ်လူမျိုး ၅ယောက်၊ ပြီးတော့ ကျွန်တော်နဲ့ ကျွန်တော့်သူငယ်ချင်း။ တောင်တက်ရင် လိုအပ်တဲ့ ပစ္စည်းတွေက တော်တော်ကို များပါတယ်။ စဉ်းစားရလည်း ကြပ်ပါတယ်။ အစား၊ အသောက်၊ မိုးရွာရင်၊ နေပူရင်၊ လေတိုက်ရင်၊ ချမ်းအေးရင် ဆိုပြီး သေခြာစဉ်းစားပြီး လိုက်အပ်တာတွေကို တစ်ခုခြင်း စီစဉ်ရပါတယ်။ အိပ်သာတက်ဖို့ တစ်ရှူးကအစ ပါရပါတယ်။ အစားအသောက်မှာ အဟာရဖြစ်ဖို့လိုသလို အခြားပစ္စည်းတွေမှာလည်း ပေါ့ပါးဖို့ ခိုင်ခန့်ဖို့ လိုပါတယ်။

ပူတာအို မြို့လယ်မှာ ဖုန်ကန်ရာဇီ ရေခဲတောင်သို့ ၅၃မိုင် ဆိုပြီး ဆိုင်းဘုတ်ရှိပါတယ်။ ရေခဲတောင်တက်ဖို့ စုစုပေါင်း လူခုနစ်ယောက် ဆိုင်ကယ် လေးစီးနဲ့ ပူတာအိုကနေ မနက်ပိုင်းမှာ စပြီး ထွက်ပါတယ်။ ပူတာအိုကနေ ဆိုင်ကယ်လမ်းရှိတဲ့ အနီးဆုံးတောင်ခြေရွာဖြစ်တဲ့ အထက်ဆန်ကောင်ရွာအထိ ဆိုင်ကယ်နဲ့ နာရီဝက်ခန့် သွားပြီး အဲဒီရွာမှာ ဆိုင်ကယ်တွေ ထားခဲ့တယ်။ ပူတာအိုကနေ အထက်ဆန်ကောင်ရွာကို ၈မိုင်၊ ပြီးရင်တော့ ကျန်တဲ့ ၄၅မိုင်ကို တောင်ထိပ်ရောက်တဲ့အထိ ခြေလျှင်တက်ရပါပြီ။ အထက်ဆန်ကောင်ရွာအနီးက ဒေသအခေါ် အထက်ဆန်ကောင်တောင်ကို ကျော်ပြီးတော့ ညရောက်သွားပါပြီ။ အဲဒီမှာ ခြေလျှင်သာရောက်နိုင်တဲ့ ဝါဆန်ဒမ်းလို့ခေါ်တဲ့ တောင်ကြားရွာလေးကို ည ၇နာရီလောက်မှာ ရောက်သွားပါတယ်။ အဲဒီရွာမှာပဲ တစ်ညအိပ်စခန်းချခဲ့ကြပါတယ်။ မီးပုံဘေးမှာအိပ်၊ နောက်တစ်နေ့ ခရီးဆက်။ စမ်းချောင်းအမျိုးအစားများစွာ ဖြတ်ကူးရပါတယ်။ အချို့က တံတားမရှိသေးတော့ ရေထဲဆင်းဖြတ်ခဲ့ရတယ်။ အချို့က ဝါးလုံးတံတားနဲ့၊ အချို့က သစ်လုံးတံတားနဲ့၊ အချို့ကတော့ ကြိုးတံတားနဲ့။ ကြိုးတံတားဖြင့် ကူးရသော တောင်ကျချောင်းများမှာ ကျယ်လည်းကျယ်သလို မြင့်လည်း မြင့်ပါတယ်။ ချော်ကျသွားလျှင်တော့ မတွေးဝံ့စရာ။ အောက်မှာက ကြောက်မယ်ဖွယ်အသံနဲ့စီးနေတဲ့ ကျောက်တုံးကျောက်ဆောင်အပြည့်နဲ့ တောင်ကျချောင်း။ ဆိုင်ကယ်ထားခဲ့သော အထက်ဆန်ကောင်ရွာကို ကျော်လာပြီးနောက် တောင်ကြားရွာများကို ဖြတ်ကျော်ခဲ့ရသည်။ ဝါဆန်းဒမ်း၊ အဝပ်ဒမ်း၊ ဇီးယာဒမ်း စသည်တို့ဖြစ်သည်။ ဇီးယာဒမ်းမှာ နောက်ဆုံးရွာဖြစ်သည်။ ဒီရွာကိုကျော်ပြီးလျှင် နောက်ထပ် ရွာမတွေ့ရတော့။ ရေခဲတောင်ရောက်သည်အထိ တောအထပ်ထပ်ကို ဖြတ်ကာ တောင်ကြောပေါ်မှတစ်ဆင့် တက်ကြရပြီ။ တခါတရံ တိတ်ဆိတ်လွန်းပြီး စိမ်းညို့နေသော သစ်တော ဝါးတောကြီးတွေကို ဖြတ်နေရစဉ် စိတ်ခြောက်ခြားဖွယ် ကောင်းသလို ကြည်နူးဖွယ်လည်း ကောင်းသည်။ သဘာဝချောင်းရေစီးသံ၊ ကျေးငှက်သံ၊ တောမျောက်အော်သံ၊ သစ်ရွက်လှုပ်သံ၊ လေတိုးသံတို့ကို နားထောင်ရင်း သစ်တောနက်များကို ဖြတ်နေရသည်မှာ အချိန်ကိုလည်း မေ့၊ နာရီလည်း မေ့၊ ပြက္ခဒိန်လည်း မေ့။ တောင်ပေါ်က ဆင်းလာတော့ ၂၀၁၆ မေလ ဆိုသည်ကို မနည်း စဉ်းစားတွက်ယူရသည်။ ရက်စွဲသိဖို့ ဖုန်းမှာ ပေါ်နေသော ရက်ကို အတည်ယူရသည်။ တောင်းတက်လို့ မောပန်းသမျှသည်လည်း ခေတ္တခဏရပ်ကာ ပတ်ဝန်းကျင် ရှူခင်းကြည့်လိုက်ရုံဖြင့် မောတယ်ဆိုတာ ဘာမှန်းမသိတော့။ တောင်ကြောပေါ်တက်လာရင်း တဖြည်းဖြည်း မြင့်လာသည်။ ရွာကလေးတွေ ဖြတ်လာတုန်းက မော့ကြည့်ခဲ့ရသော တောင်ပေါ်မှ တိမ်တိုက်များသည် အခုတော့ မိမိတို့နှင့် ဘေးခြင်းယှဉ်လျှက်ဖြစ်နေပြီ။ စိတ်ထဲမှာ တိမ်တွေပေါ်မှာ လမ်းလျှောက်နေသလို ခံစားရသည်။ စိတ်ကြည်နူးချမ်းမြေ့မှူကို စကားလုံးဖြင့် မဖေါ်ပြနိုင်။ ရေရှာရန် ထင်းရှာရန် သင့်တော်သော နေရာတွင် စခန်းချ၊ ပြီးရင် နောက်တစ်နေ့ ခရီးဆက်။ ဒေသခံတို့ ပေးထားသောရပ်နားလေ့ရှိသည့် နေရာလေးတွေ အမည်ကလည်း စိတ်ဝင်စားစရာ။ ချောင်းနှစ်ခုဆုံရာကို ချောင်းဆုံစခန်း၊ တောင်တက်ရန်လမ်းခုလတ်အလယ်ဖြစ်သော နေရာကို အလယ်စခန်း၊ ခမ်းတောက်မြစ် တူးသောနေရာကို ခမ်းတောက်မြစ်စခန်း၊ သစ်ပင်ကြီးအောက် နားသောနေရာကို သစ်ပင်ကြီး စခန်း။ စခန်းဆိုပေမယ့် ဘာအဆောက်အဦးမျှ မရှိပါ။ တဲဆောက်ရန်သင့်တော်သော မြေကွက်လပ်ကလေးတွေသာ ဖြစ်သည်။ ထိုနေရာလေးတွင် ကိုယ်ဘာသာ ယာယီတဲ့ဆောက် ညအိပ်။ မနက်လင်းတော့ တဲဖျက်၊ ခရီးဆက်။ တောင်တွေ တစ်လုံးပြီး တစ်လုံး ကျော်ရသည်။ တောင်တစ်လုံး တက်လိုက်၊ နည်းနည်း ပြန်ဆင်းလိုက်၊ နောက်တစ်လုံးကို များများ ပြန်တက်လိုက်ဖြင့် တစ်ဖြည်းဖြည်း မြင့်လာသည်။ နောက်လှည့်ပြီး ပြန်ငုံ့ကြည့်လိုက်တော့ တိမ်တွေက ကိုယ့်အောက်ရောက်နေပြီ။ ရေခဲတောင်ထွတ်သို့ ရောက်လုပြီ။ ဒီလိုဖြင့် ခုနှစ်ရက်ကြာပြီးနောက် ရေခဲတောင်ခြေစခန်းသို့ ရောက်ပြီ။ ရေခဲတောင်ခြေရင်းတွင် စခန်းချပြီး နောက်တစ်နေ့မနက် တောင်ထွတ်သို့ တက်ကြသည်။ တောင်ခြေမှာ စခန်းချနေစဉ်ရေခဲမိုးတွေ ရွာလိုက်သေးသည်။ မနက်အိပ်ယာထသည်အထိ တဲဘေးက ရေခဲတွေက အရည်မပျော်သေး။ မိမိဘဝတွင် ပထမဦးဆုံးကြုံဖူးသော အချမ်းဆုံးညဟု ပြောရမည်။ ခန္ဒာကိုယ်တစ်ခုလုံး မည့်သည့်အစိတ်အပိုင်းမျှ လေသလပ်ခံလို့မရ။ အနွေးထည်က ၅ထည်၊ ဘောင်းဘီက ၃ထည် ဝတ်ထားသည်။ စောင်ကို ခေါင်းမြီးခြုံထားရသေးသည်။ ခိုက်ခိုက်တုန်အောင်ချမ်းဆိုတာ ဒါမျိုးဖြစ်မည်။ နောက်တစ်နေ့ ရေခဲတောင်ထွတ်သို့ တက်ကြပြီ။ မိုးလင်းတော့ ညကလောက် မချမ်းတော့။ ရေခဲတွေကို နင်းပြီး တက်ရတာ ပျော်စရာကောင်းသလို အန္တရာယ်လည်း များလှသည်။ မတော်၍ ချော်ကျသွားလျှင် သွားပြီ။ သတိရှိရသည်။ မလောရ။ သေခြာမှ တစ်လှမ်းတက်ရသည်။ သေခြာမှ ခြေကုပ်ယူရသည်။ စိတ်ချရမည့် သစ်ပင်သစ်ကိုင်း ဝါးပင်စသည်တို့ကို ဆွဲတက်ရသည်။ နောက်တော့ တောင်ထိပ်နှင့် နီးလေ အပင်တွေက ကျဲလာလေ။ သစ်ပင်ကြီးကြီးမားမား မရှိတော့။ တောင်ထွတ်ကို ရောက်တော့ ဘာပင်မျှ မရှိတော့။ လုံးဝ ရေခဲပြင်ကြီးသာ။ တောင်ထိပ်ရောက်စက တိမ်တိုက်တို့ ဖုန်းအုပ်နေသဖြင့် ရာသီဥတုမကောင်းသော်လည်း ခဏကြာပြီးနောက် ရာသီဥတု သာယာလာသည်။ နေထွက်လာပြီ။ ရေခဲတောင်ထိပ်မှာ ရာသီဥတု အပြောင်းအလဲမြန်သည်ဆိုတာ ကြားသာ ကြားဖူးသည်။ အခုတော့ ကိုယ့်တွေ့ ကြုံရပြီ။ တောင်ထိပ်မှာ နှင်းလျှောစီးကြသည်။ ဓာတ်ပုံရိုက်ကြသည်။ အချို့က ရေခဲပြင်ပေါ်မှာ လူးလှိမ့်ဆော့ကြသည်။ နောက်တစ်ယောက်ကတော့ ရေခဲပြင်မှာ ကျွမ်းပစ်နေသည်။ ပါလာသော လောင်စာတုံးများကို သုံးကာ ကော်ဖီသောက်ဖို့ ရေခဲများကို ရေနွေးကျိုကြသည်။ ရေခဲတောင်ထိပ်ဖြစ်ပေမယ့် နေထွက်နေတော့ ထင်သလောက် မချမ်း။ သာမန်အနွေးထည်ဖြင့် နေနိုင်သည်။ ရေခဲကျနေချိန်တော့ မခံမရပ်နိုင်အောင် ချမ်းမည်။ ဒါကိုတော့ မနေ့ညက အတွေ့အကြုံအရသိပြီသား။ ရေခဲတောင်ထိပ် သာယာပုံမှာ စာဖြင့် မပြောပြနိုင်။ အောက်က ဓာတ်ပုံမှာ ကြည့်ပါလို့ပဲ ပြောချင်သည်။ ရေခဲတောင်ထိပ်မှာ တစ်ရက်နေပြီးနောက် ညနေစောင်းတော့ တောင်ခြေစခန်းသို့ ပြန်လာကြသည်။ ညအိပ်ယာမဝင်ခင် တဲထဲမှာ မီးလှုံရင်း ရေခဲတောင်ထိပ်မှာ ရိုက်ထားတဲ့ ဓာတ်ပုံတွေ ပြန်ကြည့်ကြ၊ အပျော်တွေ ပြန်လည်နိုးထကြ။ မီးပုံဘေးမှာ ဓာတ်ပုံတွေ ပြန်ကြည့်ကြရင်း တဝါးဝါးတဟားဟာဖြင့် ရယ်မောလို့ မဆုံးတော့။ အတူပါလာသော ဒေသခံ ရဝမ်တိုင်းရင်းသား ကျောင်းသူနှစ်ယောက်ကတော့ ဒီတစ်ခါ ရေခဲတောင်တက်ရတာ အပျော်ဆုံးပဲဟုဆိုသည်။ ဒါဆိုရင် အရင်က ရေခဲတောင် တက်ဖူးလားမေးတော့ … ဒါပထမဆုံး တက်ဖူးတာ.. တဲ့။ 😀

နောက်တစ်နေ့မနက်လင်းတော့ တောင်အောက်ဆင်းဖို့ ပြင်ကြသည်။ အလာတုန်းက ၇ ရက်ကြာခဲ့သော တောင်တက်ခရီးသည် အပြန်ကျ ၃ ရက်ပဲ ကြာသည်။ ၃ရက်မြောက် ညနေမှာ ပူတာအိုသို့ ပြန်ရောက်ပြီ။ ရန်ကုန်ကနေ ပူတာအို ရောက်စက အလွန်ချမ်းသော ပူတာအိုသည် အခု ရေခဲတောင်က ပြန်လာတော့ ပူအိုက်ချင်သလိုလို။ တောင်တက် တောင်ဆင်း စုစုပေါင်း မိုင် ၉၀ ခန့် ကျောပိုးအိတ်ကြီးကို သယ်ကာ လမ်းလျှောက်ခဲ့ရသည်ဆိုတော့ ပင်ပန်းလွန်းသဖြင့် ၂ရက်တိတိ ဘယ်မှ မသွားဘဲ စားလိုက် အိပ်လိုက်ဖြင့် နားလိုက်သည်။ ပြီးမှ ပူတာအိုအနီး လည်စရာတွေကို လျှောက်လည်ကြမည်။ နောက်နှစ်တွင် နောက်ထပ် ရေခဲတောင်တစ်လုံးတက်ကြဖို့ တိုင်ပင်ကြမည်။ အခုအခေါက်မှ လိုအပ်ချက်များကို သင်ခန်းစာယူကာ နောက်တစ်ခေါက်တွင် ပိုပြီး ပြည့်စုံအောင် စီစဉ်ကြမည်။ ပြီးရင်တော့ လေယာဉ်လက်မှတ်ဝယ်ကာ အပူပိုင်းဒေသသို့ ပြန်လည် ကျက်စားရဦးမည်။ ။
----
ရေခဲတောင်တက်ရာတွင် လိုက်ပါကူညီပြီး အတူပျော်ခဲ့ကြသော ပူတာအို ဒေသခံရဝမ်တိုင်းရင်းသား သူငယ်ချင်းများကို အထူးကျေးဇူးတင်ပါသည်။
--------
နောက်ဆက်တွဲအမှိုက် ပြဿနာ
ရေခဲတောင်တက်ခဲ့ရတာ အားလုံးအဆင်ပြေပေမယ့် အမှိုက်ကို စနစ်တကျ မပြစ်တတ်တဲ့ စည်းကမ်းမရှိတဲ့ တောင်တက်သမားတွေကြောင့် ရပ်နားတဲ့ စခန်းတွေမှာ ကြွပ်ကြွပ်အိပ်အမှိုက်မျိုးစုံကို တွေ့ရပါတယ်။ ကော်ဖီ၊ ကွေကာ၊သကြားလုံး၊ ဘီစကစ်၊ ကွတ်ကီ စတဲ့ အိပ်ခွံမျိုးစုံပါ။ ဒီတောင်တက်လမ်းတွေဟာ နိုင်ငံခြားသား တောင်တက်သမားတွေလည်း တက်နေတော့ အလွန်ရှက်ဖို့ ကောင်းပါတယ်။ သဘာဝအလှကို ဖျက်ဆီးနေသလို သဘာဝပတ်ဝန်းကျင်ကိုလည်း ပျက်စီးစေပါတယ်။ ဂျပန်မှာ ရှိတဲ့ မြန်မာတွေ ဖူဂျီတောင်တက်ဖို့ ပြင်ဆင်ကြတော့ တောင်ပေါ်မှာ ကိုယ့်အမှိုက်ကို ကိုယ်ပြန်သိမ်းဖို့ အမှိုက်အိပ် ၂အိပ်စီ ယူခဲ့ကြဖို့ အချင်းချင်း သတိပေးနေကြတာသိရလို့ ဝမ်းသာမိတယ်။
အဲဒါကြောင့် တောင်တက်လမ်းမှာ နိုင်သလောက် အမှိုက်တွေကောက်ပြီး မီးရှို့ဖျက်ဆီးခဲ့ပါတယ်။ တောင်တက်သမားအချင်းချင်းလည်း တောင်ပေါ်မှာ အမှိုက်မပစ်ဖို့နဲ့ ရရှိလာတဲ့အမှိုက်တွေကို စနစ်တကျမီးရှို့ပစ်ခဲ့ဖို့ သတိပေးစေချင်ပါတယ်။

Written By ခိုင်မြဲ
Daily Eleven (7 June 2016)