ခိုနှစ်ကောင်ပေးသော သင်ခန်းစာ

"ခိုနှစ်ကောင်ပေးသော သင်ခန်းစာ"
.....................................................
မနက်စောစော ခိုလေးတွေအစာကျွေးဖို. ပြတင်းပေါက်ကိုဖွင်.လိုက်တယ်။
မျက်နှာကို လာထိမှန်လိုက်တဲ. နံနက်ခင်းလေနုအေးက အေးမြလန်းဆန်းသွားစေတယ်။
ခိုတစ်အုပ်ကို အစာကျွေးရင်း ပြတင်းပေါက်ကနေ ဟိုဟိုဒီဒီ လျှောက်ကြည်.မိတော. ခပ်ဝေးဝေး ဘောင်တစ်ခုမှာ ရွရွ ရွရွသွားနေတဲ. ပိုးကောင်လေးတွေကိုတွေ.တယ်။
ခဏနေတော. ခို နှစ်ကောင်ရောက်လာပြီး ထိုးဆိတ်စားသောက်ကြတော.တယ်။ အသက်မသေဖို.အရေး စွမ်းနိုင်သမျှ မြန်မြန်လွတ်အောင် ပြေးပုန်းရှာကြပေမယ်. ပိုးကောင်လေးတွေရဲ. ပြေးနှုန်းဟာ ခိုနှစ်ကောင်ရဲ. ခြေတစ်ခုန်အောက်က မလွတ်မြောက်ရှာကြဘူး။
အသက်လွတ်အောင်ပြေးပုန်းပေမယ်. ထိုးဆိတ်ခြင်းဒဏ်ကို မချိမဆံ.ခံရင်း သူတို.ကိုယ်နဲ. အသက်ကို ခိုနှစ်ကောင်ရဲ. အာဟာရအဖြစ် ပေးဆပ်လိုက်ရတယ်။ ဘယ်သတ္တ၀ါပဲဖြစ်ဖြစ် မိမိအသက်ကို ဒီလိုနည်းနဲ. အဆုံးသတ်ချင်ပါမလဲ။ သတ္တ၀ါတိုင်းဟာ မိမိအသက်ကို
မိမိအချစ်ဆုံးသာဖြစ်ပါတယ်။
တစ်ခါ အသိဥာဏ်ရှိသူ လူတွေကကြည်.လို. အနည်းဆုံးကိုယ်ချင်းစာမိကြပေမယ်. ခိုနှစ်ကောင်အနေနဲ.ကြည်.ရင် ဒါဟာ မကောင်းဘူးလို. ဘယ်လိုစဉ်းစားတတ်ပါမည်လဲ။
သူတို.အသက်ရှင်ဖို. အာဟာရဟာ တစ်ခြားအသက်ကို ဒီလိုမဖြစ်မနေ ရှာဖွေစားသောက်နေရခြင်းပဲဖြစ်နေတော.တယ်။
(သတ္တလောကဟာ )သတ္တ၀ါတစ်ကောင်အသက်ရှင်ဖို. အခြားသတ္တ၀ါတစ်ကောင်ကို ရှာဖွေစားသောက်နေရခြင်းဟာ ဒုက္ခသစ္စာရဲ.ပုံစံတစ်ခုဖြစ်ပါတယ်။
သတ္တ၀ါတစ်ကောင် အသက်ရှင်ရပ်တည်နေနိုင်ဖို. အစာအာဟာရဟာ ရှောင်လွှဲလို.မရတဲ. အရေးပါဆုံးတစ်ခုလည်းဖြစ်တယ်။ တနည်းအားဖြင်. အသားစားသတ္တ၀ါတစ်ကောင်ရဲ. နေ.စဉ်မှီခိုနေရတဲ. အာဟာရဟာ တစ်ခြားသတ္တ၀ါတစ်ကောင်ရဲ. အသက်ပဲဖြစ်ပါတယ်။
ဒီလိုမှ သူမစားရင် သူသေရမယ်။ သူအသက်ရှင်ဖို. တစ်ခုတည်းသော မှီရာဟာ တစ်ခြားသတ္တ၀ါတစ်ကောင်ရဲ. အသားဖြစ်တယ်။
ဒီနည်းနဲ. သတ္တ၀ါတွေဟာ နေ.စဉ်နဲ.အမျှ နာကျင်မှုဝေဒနာခံစားရင်း သေနေကြရတယ်။ နိုင်သူက စားနေကြတယ်။
ဒါဟာ သိပ်မထူးဆန်းတဲ. ဖြစ်နေကျ ဖြစ်စဉ်တစ်ခုဆိုပေမယ်. အသိဥာဏ်ရှိသူတွေအတွက် သံဝေဂရစရာ အသိတရားဖြစ်နိုင်တယ်။ ဒီလိုဖြစ်နေတဲ. လောကဟာ ဘယ်သူတစ်ဦးတစ်ယောက်မှ ဖန်ဆင်းထားလို.မဟုတ်သလို ဖန်ဆင်းသူတစ်စုံတစ်ယောက်ဆိုတာလည်း
ရှိမနေပါဘူး။
ဖြစ်နေတဲ.အကျိုးတရားတွေဟာ အကြောင်းကင်းပြီးဖြစ်နေတာ တစ်ခုလေးမှမရှိကြောင်း မြတ်စွာဘုရားဟောပြတော်မူခဲ.ပါတယ်။
သူအသက်ကို သတ်ခြင်းဆိုတဲ. ပါဏာတိပါတာကံဟာ ငရဲ စတဲ. အပါယ်လေးပါးဆိုးကျိုးကို ပေးစေတဲ.သတ္တိရှိတယ်။ ဒီလို သူများအသက်ကို ရှာဖွေစားသာက်ရတဲ. အပါယ်ဘ၀တစ်ခုကို ရောက်ရှိသွားခဲ.ရင် အကုသိုလ်ရယ်လို. မသိမှုကြောင်.ပဲ ၀မ်းစာအတွက်
သူ.အသက်ကို သတ်ဖြတ်စားသောက်ရခြင်းကြောင်. ထပ်ခါထပ်ခါ အပါယ်လေးပါး၌သာ မြုပ်နေရတော.တယ်။ ဘယ်တော.လွတ်ပါမည်လဲလို. ခန်.မှန်းတွက်ဆ၍ပင် မရနိုင်လောက်အောင် အပါယ်ရေကြောမှာ ကုသိုလ်ကံအကျိုးပေးမသာသ၍ ခေါင်းမဖော်တမ်း
မြုပ်နေရမည်သာဖြစ်တယ်။ ဒါကြောင်. အပါယ်တစ်ခါကျရင် လွတ်ဖို.လမ်းစ၊ သုဂတိပြန်ရောက်ဖို. လမ်းစဟာ ဝေးသထက် ဝေးသွားကြရပြန်တယ်။
ယခုရရှိနေတဲ. လူ.ဘ၀ဆိုတာ ကုသိုလ်ကံအထောက်အပံ.ကောင်းခဲ.၍သာ ရရှိနေကြခြင်းဖြစ်ပါတယ်။ ဘုရားအဆူဆူနဲ.လွဲပြီး လွတ်မြာက်ကြောင်း သစ္စာတရားမှန်ကို အားထုတ်ခွင်.မရခဲ.ခြင်းဟာ အပါယ်လေးပါးကို ကိုယ်.အိမ်ကိုယ်.ယာလို
အနေများခဲ.လို.သာဖြစ်ပေတယ်။ ဒါကြောင်. လူ.ဘ၀ဟာ ရခဲခြင်း ဒုလ္လဘတစ်ပါး ဖြစ်ပါတယ်။
တစ်ဖန်လူ.ဘ၀ရပြီး သုဂတိပြန်ရောက်ဖို. အင်မတန်ခဲယဉ်းကြောင်းကို မြတ်စွာဘုရားက လက်သည်းခွံပေါ် မြေမှုန်.တင်၍ မဟာပထ၀ီမြေကြီးနဲ နှိုင်းယဉ်ကာ ဥပမာပေးတော်မူခဲ.ပါတယ်။
လူ.ဘ၀မှ သုဂတိပြန်ရောက်သူဟာ လက်သည်းခွံပေါ်တင်နေတဲ. မြေမှုန်.လောက်သာရှိပြီး လူ.ဘ၀မှ အပါယ်ပြန်ကျသွားသည်က မဟာပထ၀ီမြေကြီးပမာဏရှိတယ် အာနန္ဒာဟု (နခသိခသုတ်၊ နိဒါန၀ဂ္ဂသံယုတ်) မှာ မိန်.တော်မူခဲ.တယ်။
ဘာကြောင်.လဲဆိုတော. အပါယ်ရောက်ကြောင်း အကုသိုလ်မှန်းမသိဘဲ ပြုခဲ.ကြသည်. ကံသတ္တိတွေကြောင်.သာဖြစ်ပါတယ်။
လောက၌ မြတ်စွာဘုရားရှင် ပွင်.ထွန်းတော်မူတဲ.အခါမှသာဒါက သုဂတိရောက်ကြောင်း ကုသိုလ်တရား ၊ ဒါက အပါယ်ရောက်ကြောင်း အကုသိုလ်တရား၊ ဒါက ဒီဒုက္ခသစ္စာ သံသရာနယ်မှ လွတ်မြောက်ကြောင်း တရားရယ်လို. သိခွင်.ရကြရတာပါ။ ဒါကြောင်.
သစ္စာလေးပါးကို ကိုယ်တိုင်သိမြင်ပြီး သတ္တ၀ါတွေကို သံသရာဝဋ်ဒုက္ခမှ လွတ်မြောက်အောင် လမ်းမှန်ပြပေးတဲ. ဘုရားရှင်ပွင်.ထွန်းဖို.ဟာ ခဲယဉ်းခြင်း ဒုလ္လဘတစ်ပါးဖြစ်သလို ဘုရားရှင်အဆုံးအမသာသနာတော်နဲ. ကြုံကြိုက်ဖို.ဟာလည်း အင်မတန်ကြုံခဲရတဲ.
ဒုလ္လဘတစ်ပါးဖြစ်ပါတယ်။
လက်ရှိရရှိခံစားနေတဲ. လူ.ဘ၀ဟာလည်း မမြဲပါဘူး။ ဘယ်ဘုံမှာ ဘယ်လိုဘ၀ပဲရရ သေကြရဦးမှာပါ။ တစ်ချိန်ချိန်မှာ ဒီခန္ဓာကြီးကို ထားခဲ.ကြရဦးမှာပါ။ တစ်ဘ၀တည်းနဲ. ပြီးသွားကြမှာမဟုတ်ပါဘူး။ သံသရာနယ်မှလွတ်မြောက်ကြောင်း သစ္စာတရားကို မသိသေးသ၍
မိမိတို.ပြုနေကြတဲ. ကုသိုလ်ကံ အကုသိုလ်ကံအတိုင်းသာ သံသရာခရီးဆက်နေရဦးမှာပါ။ သမုဒ္ဒရာကြီးထဲမှာ နှစ်တစ်ရာမှ တစ်ကြိမ်သာ ပေါ်လာတဲ. လိပ်ကန်းကြီးတစ်ကောင်ရဲ. ဦးခေါင်းကို မျောချင်ရာမျောနေတဲ. တစ်ပေါက်တည်းသာရှိတဲ.
ထမ်းပိုးတစ်ချောင်းစွပ်မိဖို.ရာက လွယ်ပါလိမ်.ဦးမယ်။ အပါယ်လေးပါးသာ ပြန်ကျသွားရင်ဖြင်. သုဂတိတစ်ဖန်ပြန်တက်ဖို.ဟာ အဲဒီထက်မက ခဲယဉ်းပါတယ်တဲ.။
မိမိတို.ဟာမသိမှုအ၀ိဇ္ဇာအားကြီးလို.သာ သေရေးထက် နေရေးပိုအရေးကြီးနေကြပါတယ်။ တကယ်တမ်း အသိဥာဏ်ရှိရှိစဉ်းစားကြည်.ရင်ဖြင်. ဘယ်ချိန်သေမည်မသိသည်. သေရေးဟာ အင်မတန်အရေးကြီးပါတယ်။ သေခါနီးခံစားရတဲ. ဝေဒနာဟာ
နေထိုင်မကောင်းဖြစ်တဲ.အချိန်ခံစားရတဲ. ဝေဒနာထက် အဆပေါင်းများစွာ ခံစားရဦးမယ်.။ အဲဒီအခါ အမှန်တရားမသိဘဲ ဒေါသနဲ.တုန်.ပြန်ရင်းသေရင်ဖြင်. ငရဲသို.အကျိုးပေးပါတော.မယ်။ တကယ်အရှိအထင်၊ ပိုင်ဆိုင်သည်အထင်နဲ.
ငါ.ကိုယ်၊ငါ.ဟာ၊ ငါ.အိမ်၊ ငါ.သား ငါ.ပစ္စည်းအမှတ်စွဲပြီး လောဘနဲ. သေရင်ဖြင်. ပြိတ္တာအပါယ်အကျိုးပေးတော.မယ်။ အမှန်တရားမသိဘဲ မောဟနဲ. သေရင်ဖြင်. တိရစ္ဆာန်အကျိုးကို ပေးတော.မယ်။ သေခါနီးမှာ မည်သူတစ်ဦးတစ်ယောက်မှ ကိုယ်.ဒုက္ခကို
မကယ်တင်နိုင်တော.ပါဘူး။ ကိုယ်.ကိုကယ်တင်နိုင်တာဟာ ကိုယ်.ပြုခဲ.တဲ. ဒါန၊ သီလ၊ ဘာဝနာ ၀ိပဿနာကုသိုလ်သာ ဖြစ်ပါတယ်။
ကောင်းမှုကုသိုလ်လုပ်ဖို. အခွင်.အရေးရပါလျက် တကယ်မိမိကို ကယ်တင်မယ်. အလုပ်ကိုမလုပ်ဘဲ နေခွင်.ရချိန်လေး မေ.မေ.လျော.လျော. ပေါ.ပေါ.ဆဆ ပျော်ပျော်ပါးပါး နေသွားရင်ဖြင်. သေရမယ်.အချိန်မှ နောင်တကြီးစွာရတတ်ပါတယ်။ နေရေးကိုတော.
အမြော်အမြင်ကြီးစွာထားပြီး သေရေးကိုတော. မေ.လျော.နေကြတာဟာ အင်မတန်မှ အသိဥာဏ်နည်းခြင်းဖြစ်ကြောင်း သူတော်ကောင်းတို. အထပ်ထပ် သတိပေးခဲ.ကြပါတယ်။ နေရေးကိုပဲ မျှော်တွေးသူဟာ တစ်ဘ၀အတွက်သာ အမြော်အမြင်ရှိသူပါ။ သေရေးကိုပါ
ထည်.တွက်ပြီး သံသရာအတွက်ပါ မျှော်တွေးတတ်မှသာ မိမိကိုယ်ကို ချစ်ရာ ကယ်တင်ရာ ရောက်ကြပါမယ်။
ဒါကြောင်. အပါယ်ဘေးကိုဆင်ခြင်ပြီး မိမိကို ကယ်တင်မယ်.ဒါန သီလ ဘာဝနာ ၀ိပဿနာကုသိုလ်တရားတွေမှာ မမေ.မလျော.သော သတိရှိနေသင်.ကြပါတယ်။
ဒီနေ.ခိုနှစ်ကောင်နဲ.ပိုးကောင်လေးတွေက သင်ခန်းစာပေးသွားခဲ.ပါတယ်။
......................................
အရေးတကာ့အရေးထဲမှာ အပါယ်မကျရေးသည် အရေးအကြီးဆုံးပဲ၊ အပါယ်မကျရေး၊ သံသရာဝဋ်ဆင်းရဲမှ လွတ်မြောက်နိုင်တဲ့တစ်ကြောင်းတည်းသောနည်းလမ်းဟာလည်း ၀ိပဿနာရှုမှတ်တဲ့နည်းလမ်းပါပဲ။ ဒါကြောင့် အရေးအကြီးဆုံးက ရုပ်နာမ်တရားကို
အမှန်သိအောင် ရှုမှတ်နေဖို့ပါပဲ။ ဘယ်လောက်ပဲ စားရစားရ တစ်ဝမ်းဝရုံပဲ။ ဘယ်လောက်ပဲ ၀တ်ရ၀တ်ရ အရေးပြားဖုံးရုံပဲ။ သတိပဌာန်တရား လက်ကိုင်ထားမှ မလားအပါယ် သေချာတယ်။
(တော်ကူးဆရာတော်)
...........................................
တရားတစ်ခုခုကို လိုက်စားနေမှ တရားအရသာကောင်းမှန်းသိပါတယ်၊
တစ်ခုခုတော.ရှိကြပါစေ ၊ ဘာဝနာကို ဆေးလို သဘောထားကြပါ၊
ဘာဝနာစိတ်ရှိရင် စိတ်ကကြည်လင်လာပါတယ်၊
ဘုရားသာသနာမှာ ကုသိုလ်ရအောင်နေပါ ၊ မမိုက်ကြပါနဲ.။
(မဟာဂန္ဓာရုံဆရာတော် အရှင်ဇနကာဘိဝံသ)
...........................................................
အဆုံးစွန်သောဘဝဆိုတာ ဘယ်လောက်ကြာမှ ဆုံးမယ်မသိဘူး။
တို့ဒကာတွေ သံသရာ ကြာချင်သလောက်ကြာ အဆုံးတော့မီမှာပဲလို့
အောက်မေ့နေကြသလား မပြောတတ်ဘူး။
ရယ်စရာကောင်းနေတော့တယ်။
ကိုယ်က မဆုံးချင်ရင် ဘယ်တော့မှ မဆုံးဘူးဆိုတာ တထစ်ချမှတ်လိုက်ကြ။
သံသရာဆိုတာ ကိုယ်ဆုံးချင်တဲ့အချိန် ဆုံးနိုင်တယ်။
နိဗ္ဗာန်ဟာ ဆုံးတဲ့အချိန်ရတာပဲ။
ဒါကြောင့် ဒီကနေ့ကစပြီး ရှေးမူတွေဖျက်ကြ။
သူများယောင်လို့ယောင် အမောင်တောင်မှန်းမြောက်မှန်းမသိ ဆိုသလို
ဖြစ်နေကြမယ်။
နိဗ္ဗာန်ဆိုတာ တောင်းလို့ရတာမျိုးမဟုတ်ဘူး။
တောင်းလို့ရရင် ကူပြီးတောင်းပေးပါရဲ့။
(ကျေးဇူးတော်ရှင် မိုးကုတ်ဆရာတော်ကြီး)
................................
လူတွေဟာ သေခါနီးကျမှ ကပ်ပြီးတော့ သံဝေဂရကြတယ်။
အချိန်နှောင်းသွားပြီ ၊ မရတော့ဘူး။ ဒါကြောင့် သေခါနီးမှကပ်ပြီး
တော့ သံဝေဂ မရကြပါနဲ့။ စောစောစီးစီး သံဝေဂရကြပါ။ စောစော
စီးစီး ကြိုကြိုတင်တင် လုပ်သင့်တဲ့အလုပ်တွေကို လုပ်ပါ။ လူ့ဘဝကို
ရတာဟာ အသိဥာဏ် အရယူဖို့ပါ။ ဘဝရဲ့အနှစ်သာရက အသိဥာဏ်
ပါ။
စားဝတ်နေရေးဟာ ခန္ဓာဝန်ထမ်းရုံသက်သက်ပါ။ မလုပ်မဖြစ်
တော့ လုပ်ရပါမယ် ။ ဒါပေမယ့် လူ့ဘဝရောက်လာရတာဟာ အသိ
ဥာဏ်ကို အရယူဖို့ပါ။ အဲဒီ အသိဥာဏ် ရဖို့ကြိုးစားကြပါ။
( ဆရာတော် ဦးဇောတိက )
.............................................................
သူတော်ကောင်းတရားများ ကျင်.ကြံပွားများ အားထုတ်နိုင်ကြပါစေ။
credit to - လွင်ဦးကို